Sajmir Tahiri, ish-ministri i Brendshëm është bërë pjesë e spektaklit të humorit “Portokalli” këtë të dielë. I paraqitur në numrin humoristik me Florian Binaj dhe Irgen Çela, të cilët luajnë personazhet e dy policëve pa diskutim shkaktuan shumë të qeshura.
Gjatë spektaklit nuk munguan edhe pyetjet me ‘spec’ nga dy policët të cilët pyetën ish-ministrin për largimin e tij nga posti i ministrit.
Tahiri, tashmë deputet dhe kreu i PS-së në Tiranë, i ka qëndruar serioz përgjigjes duke thënë se “çdo gjë e ka një fillim dhe një fund”.
“As mu ndanë e as iu ndahem”, – ka shkruar me humor Tahiri ne rrjetin social “Facebook”, ku ka shpërndarë videon e numrit humoristik në Portokalli.
Shfaq Komentet (0)